Landşaft Layihələrində İstifadə Olunan Bitkilərin Su Ehtiyacı

Dizayn bitkilərinin landşaft layihələrindəki əhəmiyyəti növlərinə, ölçü və yaşlarına və ən əsası da siniflərinə görə dəyişir. Bitkilərin yaşam müddəti ərzində alacaqları çətir böyüklüyü nəzərə alınaraq edilən təsnifata görə; dizayn bitkiləri aşağıdakı kimi qruplaşdırıla bilər.

• Torpaq örtücü bitkilər: 0-30 sm boylanan, torpaq səthinə çox yaxın inkişaf göstərən bitkilərdir. Ən vacib xüsusiyyətləri, çəmən bitkiləri xaricindəkilərin minimum qulluq şərtlərinə 7 ehtiyac göstərmələridir. Torpaq sürüşməsini, eroziyanı və su itkisini önləmək kimi funksiyaları vardır.
• Kollar : Kol, 30 sm-dən 2,5 m, hətta 5 m-ə qədər boya çata bilən uzunömürlü odunsu bitkilərdir. Kolları, ağac və ağaccıqlardan ayıran ən vacib xüsusiyyət, boylarının çox qısa olması, gövdələrinin çox sayda olub torpaq səviyyəsindən bir yerdə çıxmasıdır. Kollar adətən 4–5 ildə yetkin hala gəlirlər və çox az qulluqla illər boyu canlılıqlarını sürdürə bilərlər.
• Kiçik ağaclar : Böyük kollardan ən böyük fərqi tək bir gövdəyə sahib olmalarıdır. 3 – 3,5 m və ya 7-8 m boylanırlar. Çiçək və yarpaqları baxımından təsirlidirlər.
• Böyük ağaclar : Ən böyük miqyasa sahib material qrupudur. 15 m və ya daha çox boylana bilər, uzunömürlüdür. Bir məkanın əsas xüsusiyyətini ortaya qoyan struktur elementləridir.

Dizayn Bitkiləri:

• Enliyarpaqlı ağac, ağaccıq və kollar
• İynəyarpaqlı ağac və ağaccıqlar (Koniferlər)
• Torpaq örtücü, birillik və çoxillik bitkilər
• Dırmaşan və sarmaşan bitkilər
• Mövsümi çiçəklər, şəklində təsnif edilir

Yuxarıda göstərilən təsnifata görə landşaft sahələrində bitkilərin müxtəlif ehtiyaclarına görə suvarma sistemləri fərqli formalarda dizayn edilə bilər. Çünki hər bitkinin su ehtiyacı bir-birindən fərqlidir.